ဗီအိုအေနဲ့ ၁၁ လပိုင်း ၄ ရက်နေ့က အင်တာဗျူးမှာ ဝန်ကြီးကျော်ဆန်းက
“ကနေ့ ပြည်သူတွေ ရွေးချယ်တင် မြှောက်တဲ့ ဒီမိုကရေစီစနစ်အရ ပေါ်ပေါက်လာတဲ့ ကျနော်တို့အစိုးရလက်ထက်မှာလည်းပဲ ...” လို့ ဆိုထားပြီး နောက်ဆက်ပြီး “အကျဉ်းကျနေတဲ့ ပုဂ္ဂိုလ်တွေဟာ သတ်မှတ်ထားတဲ့ စည်းမျဉ်းစည်းကမ်းဥပဒေတွေကို ကျူး လွန်တဲ့အတွက်ကြောင့် အဲ့ဒီစည်းမျဉ်းစည်းကမ်းဥပဒေအရပဲ ကျနော်တို့ အရေးယူထားတာ ဖြစ်ပါတယ်။ သို့ သော်လည်း အဲဒီထဲမှာ နိုင်ငံရေးလုပ်တဲ့ပုဂ္ဂိုလ်တွေလည်း ပါကောင်းပါမှာပါပဲ။ ဒါတွေအားလုံးကိုလည်း သမ္မတ ကြီးက သူ့ကို အခြေခံဥပဒေက အပ်နှင်းထားတဲ့ လုပ်ပိုင်ခွင့်ကို ဆင်ခြင်တုံတရားနဲ့ ကျင့်သုံးပြီးတော့ ဒါတွေကို ဘာလုပ်ပေးနေလဲ၊ ဖြေလျှော့ပေးနေပါတယ်” တခါဆိုထားပြန်ပါတယ်။
ွ
အနီရောင်ဆိုးထားတဲ့ အပိုဒ်နှစ်ခုကို နှိုင်းယှဉ်ပြီး ပြောချင်ပါတယ်။ အပေါ်ပိုဒ်မှာ ပြောတာက “ကနေ့ ပြည်သူ တွေရွေးချယ်တင်မြှောက်တဲ့ ဒီမိုကရေစီစနစ်အရပေါ်ပေါက်လာတဲ့ ကျနော်တို့အစိုးရလက်ထက်မှာ...” လို့ ဆို တော့ ယခင်စစ်အာဏာရှင်အစိုးရနဲ့ လားလားမျှ မဆိုင်ဘူးလို့ ဆိုလိုတာဖြစ်တယ်။ ဒီမိုကရေစီအစိုးရပေါ့ဗျာ။ ဒါပေမယ့် နောက်အပိုဒ်ကျတော့ “အကျဉ်းကျနေတဲ့ ပုဂ္ဂိုလ်တွေက သတ်မှတ်ထားတဲ့ စည်းမျဉ်းစည်းကမ်းဥပ ဒေတွေကို ကျူးလွန်တဲ့အတွက်ကြောင့် အဲ့ဒီစည်းမျဉ်းစည်းကမ်း ဥပဒေအရပဲ ကျနော်တို့ အရေးယူထားတာ ဖြစ်ပါတယ်” ဆိုတော့ အသစ်တက်လာတဲ့ ဒီမိုကရေစီနည်းကျ အစိုးရဟာ သူ့ကိုယ်သူ ယခင်စစ်အစိုးရပဲ ဖြစ် ပါတယ်ဆိုပြီး ဝန်ခံသလိုမျိုး ဖြစ်နေပြန်တယ်။
“နိုင်ငံတွင်းမှာ နိုင်ငံရေးအကျဉ်းသားတွေရှိတယ်ဆိုတာကို သတ္တိရှိရှိ ဝန်ခံရဲသလို၊ သတ္တိရှိရှိ လွှတ်ပေးရဲရမယ်။ ကျော်ဆန်းအနေနဲ့ တချိန်ချိန်မှာ နိုင်ငံရေးနဲ့ ထောင်ထဲရောက်သွားခဲ့ရင် ရောက်သွားနိုင်တဲ့အတွက် အမြော်အမြင်ရှိရှိနဲ့ နိုင်ငံရေးအကျဉ်းသားရှိတယ်ဆိုတာ လက်ခံထားသင့်တယ်လို့ အကြံပြုလိုက်တယ်။”
ကျော်ဆန်းဟာ သူ့ကိုယ်သူ ယခင်အစိုးရလုပ်ရပ်တွေကို လိုက်နာစောင့်ထိန်းပြီး ဆက်လက်ကျင့်သုံးရမယ်လို့ ယူဆထားသူဖြစ်တယ်ဆိုတာ “ကျနော်တို့ အရေးယူထားတာ ဖြစ်ပါတယ်” ဆိုတဲ့ သူ့ပြောစကားအရ ထင်ရှား တယ်။ နောက်တခုက သန်းရွှေတို့လမ်းစဉ်အတိုင်း တိုင်းပြည်မှာ နိုင်ငံရေးအကျဉ်းသားတွေမရှိဘူးလို့ ဗြောင် ငြင်းနေတုန်းပဲ ဖြစ်တယ်။
တကယ်ဖြစ်သင့်တာက ကနေ့ ပြည်သူတွေ ရွေးချယ်တင်မြှောက်တဲ့ ဒီမိုကရေစီစနစ်အရ ပေါ်ပေါက်လာတဲ့ ကျနော်တို့အစိုးရလက်ထက်မှာ ယခင်အစိုးရလုပ်ရပ်တွေဟာ တရားမျှတမှုမရှိဘဲ အလွန်အကျွံ အာဏာသုံးစွဲ မှုတွေရှိခဲ့တဲ့အတွက် သဘောထားအမြင်မတူလို့ ထိန်းသိမ်းထားတဲ့ နိုင်ငံရေးအကျဉ်းသားတွေ အားလုံးကို လွတ်ငြိမ်းချမ်းသာခွင့်ပေးလိုက်ပါတယ် ဆိုတာမျိုး ဖြစ်သင့်တယ်။
နိုင်ငံတွင်းမှာ နိုင်ငံရေးအကျဉ်းသားတွေရှိတယ်ဆိုတာကို သတ္တိရှိရှိ ဝန်ခံရဲသလို၊ သတ္တိရှိရှိ လွှတ်ပေးရဲရမယ်။ ကျော်ဆန်းအနေနဲ့ တချိန်ချိန်မှာ နိုင်ငံရေးနဲ့ ထောင်ထဲရောက်သွားခဲ့ရင် ရောက်သွားနိုင်တဲ့အတွက် အမြော် အမြင်ရှိရှိနဲ့ နိုင်ငံရေးအကျဉ်းသားရှိတယ်ဆိုတာ လက်ခံထားသင့်တယ်လို့ အကြံပြုလိုက်တယ်။
ဒေါက်တာလွဏ်းဆွေ BLOG မှ ကူးယူဖော်ပြပါသည်
ဆက်ဖတ်ရန်...
ပြန်ခေါက်ခဲ့လေ...
မလေးရှားနိုင်ငံ အခြေစိုက် Asia Motor ကားကုမ္ပဏီဟာ အမေရိကန် ဒေါ်လာ ၄၄ သန်း ကုန်ကျမယ့် ကားစက်ရုံ တစ်ခု မြန်မာနိုင်ငံမှာ တည်ဆောက်ဖို့ ပြင်နေတယ်လို့ သိရပါတယ်။
မလေးရှား မော်တော်ယာဉ် ပစ္စည်း အရောင်းပြခန်း တစ်ခုလည်း မြန်မာနိုင်ငံမှာ လာရောက်ဖွင့်ဖို့ ရှိပြီး ကားပစ္စည်းတွေကို ဈေးနှုန်း သက်သက်သာသာနဲ့ ရောင်းချမယ်လို့ ပြည်တွင်းထုတ် ပေါ်ပြူလာ သတင်းဂျာနယ်ကို ကိုးကားပြီး တရုတ် အစိုးရ ဆင်ဝှါသတင်းက ရေးပါတယ်။
Asia Motor ကားကုမ္ပဏီဟာ နှစ်စဉ် မော်တော်ကား စီးရေ ၃ သိန်း ထုတ်လုပ်ပြီး နိုင်ငံပေါင်း ၂၇ နိုင်ငံကို တင်ပို့ ရောင်းချနေတဲ့ ကုမ္ပဏီ တစ်ခုပါ။
တစ်ချိန်ထဲမှာပဲ မြန်မာ အာဏာပိုင်တွေဟာ ရန်ကုန်မြို့တွင်း ပြေးဆွဲနေတဲ့ အငှါးတက္ကဆီ ၂၀၀ ခန့်ကို မလေးရှားနိုင်ငံထုတ် ပရိုတွန်ကားတွေနဲ့ အစားထိုးသွားဖို့ ရှိတယ်လို့ ဆိုပါတယ်။
မလေးရှား အခြေစိုက် ပရိုတွန် မော်တော်ကား ကုမ္ပဏီဟာ ကားအမျိုးအစား ၁၂ မျိုးခန့် နှစ်စဉ် ထုတ်လုပ်ပြီး နိုင်ငံပေါင်း ၂၅ နိုင်ငံကျော်ကို တင်ပို့ ရောင်းချနေတယ်လို့ သိရပါတယ်။
ပြီးခဲ့တဲ့ရက်ပိုင်းက မလေးရှား ၀န်ကြီးချုပ်ဟောင်း မဟာသီယာ မိုဟာမက် မြန်မာနိုင်ငံကို ရောက်လာတဲ့အခါ ရာဘာ ထုတ်လုပ်ရေး၊ စာအုန်းဆီ ထုတ်လုပ်ရေးနဲ့ ကမ္ဘာလှည့် ခရီးသွား လုပ်ငန်းတွေမှာ ပူးပေါင်း လုပ်ဆောင်ရေး ဆိုင်ရာ စာချုပ်တွေ မလေးရှားနဲ့ မြန်မာ လုပ်ငန်းရှင်တွေ အကြား ချုပ်ဆိုခဲ့ပါတယ်။
မြန်မာအစိုးရ စာရင်းအင်းတွေ အရ ၂၀၁၀-၁၁ ကုန်သွယ်ရေးနှစ် အတွင်း မလေးရှား မြန်မာကုန်သွယ်မှု တန်ဖိုးဟာ အမေရိကန် ဒေါ်လာ သန်း ၆၀၀ နီးပါး ရှိခဲ့ပါတယ်။
ဆက်ဖတ်ရန်...
ပြန်ခေါက်ခဲ့လေ...
ဘီဘီစီ သတင်းဌာနကို ဆန္ဒပြဖို့ ရန်ကုန်မြို့ကုန်သည်လမ်း ဗြိတိသျှ သံရုံးရှေ့မှာ ၂၀၁၁ ခုနှစ် နိုဝင်ဘာလ ၉ ရက်နေ့က စုဝေးနေသူများကို တွေ့ရစဉ်။ (Photo courtesy of Yangon PressInternational)
ရန်ကုန်မြို့ကုန်သည်လမ်း ဗြိတိသျှ သံရုံးရှေ့မှာ ( ၉ ) ရက်နေ့ မွန်းလွဲပိုင်း ၁ နာရီလောက်က လူ ၂၀ ခန့် ဆန္ဒပြဖို့ လာရောက် စုဝေးခဲ့ကြပြီး မိနစ် ၃၀ လောက် အကြာမှာ လူစုခွဲသွားတယ်လို့ မျက်မြင် သက်သေတွေက ပြောပါတယ်။
လာရောက် စုရုံးကြသူတွေထဲမှာ ရခိုင် အမျိုးသားတွေ များပြီး ဘီဘီစီ သတင်းဌာနကို ဆန္ဒပြဖို့ ရောက်လာကြတာလို့ ပြောကြောင်း ဆန္ဒပြပွဲကို လာရောက် သတင်းယူတဲ့ ဂျာနယ် သတင်းထောက်တွေက ဆိုပါတယ်။
ဆန္ဒပြမယ် သတင်းရထားလို့ မနက် ၁၁ နာရီလောက် ကတည်းက လာစောင့်နေတာလို့ ဂျာနယ် သတင်းထောက် တစ်ဦးက ဆိုပါတယ်။
သံရုံးကို မေးမြန်းကြည့်တဲ့ အခါမှာတော့ ဆန္ဒြုပသူတွေက ဘာစာရွက်စာတမ်းမှ ပေးမသွားဘူးလို့ သတင်းထောက်တွေကို ပြောကြောင်း သိရပါတယ်။ အခုလို ဆန္ဒပြဖို့ လူစုနေတာကို အာဏာပိုင်တွေ အနေနဲ့ လာရောက် ဟန့်တား ပြောဆိုခြင်း မရှိဘူးလို့ ဂျာနယ် သတင်းထောက်တွေက ဆိုပါတယ်။
ဆက်ဖတ်ရန်...
ပြန်ခေါက်ခဲ့လေ...
ဒုတိယအကြိမ်မြောက် အညတရ သူရဲကောင်းဆုတွေကို နိုဝင်ဘာ ၂၀ ကျရင် ရန်ကုန်မြို့ အင်န်အယ်လ်ဒီ ရုံးချုပ်မှာ ကျင်းပမဲ့ အမျိုးသားအောင်ပွဲနေ့ အထိမ်းအမှတ် အခမ်းအနားမှာ ပေးအပ် ချီးမြှင့်သွားမယ်လို့ သိရပါတယ်။အညတရ သူရဲကောင်းဆုဟာ မြန်မာပြည် ဒီမိုကရေစီ ပေါ်ထွန်းရေး အတွက် စွန့်လွှတ် လှုပ်ရှားရင်း အကျဉ်းကျနေတဲ့ မထင်မရှား နိုင်ငံရေး အကျဉ်းသားတွေကို ဂျပန်နိုင်ငံရောက် မြန်မာ စေတနာရှင်တွေနဲ့ ဖွဲ့စည်းထားတဲ့ အညတရ သူရဲကောင်းဆု ချီးမြှင့်ရေး ကော်မတီက လှူဒါန်း ချီးမြှင့်နေတဲ့ဆုပါ။
ဒီအကြိမ် ရွေးချယ်ထားတဲ့ အညတရ သူရဲကောင်း ၄ ဦးကို ကျပ်ငွေ ၁၀ သိန်းစီနဲ့ ဆုတံဆိပ်တွေကို ဒေါ်အောင်ဆန်းစုကြည် ကိုယ်တိုင် ပေးအပ်သွားမယ်လို့ တိုကျိုမြို့က အညတရ သူရဲကောင်းဆု ချီးမြှင့်ရေးကော်မတီဝင် ကိုမင်းထက်ဇော်က ပြောပါတယ်။
အခု ဒုတိယအကြိမ်မှာ အညတရ သူရဲကောင်းဆု ချီးမြှင့်ရေး ကော်မတီက မြစ်ကြီးနားထောင်မှာ အကျဉ်းကျနေတဲ့ ရဟန်းတော် ဦးဝိရသူ၊ ကျောက်ဖြူထောင်က ဦးစိုင်းလှအောင်၊ သရက်ထောင်က ကိုသန့်ဇော်နဲ့ ဗန်းမော်ထောင်က မမာမာဦး တို့ကို ရွေးချယ်ထားပါတယ်။
ပထမအကြိမ် အညတရ သူရဲကောင်းဆုကို မဂ္ဂင် ကျောင်းတိုက် ဆရာတော် ဦးဣန္ဒက၊ ဘိုးတော် ခင်ဝင်းနဲ့ HIV/AIDS ဝေဒနာရှင်တွေကို ကူညီခဲ့သူ ဦးသန်းနိုင်တို့ကို ပြီးခဲ့တဲ့ ဧပြီလက ချီးမြှင့်ခဲ့ပါတယ်။
အခုလို နိုင်ငံရေး အကျဉ်းသားတွေကို ဆုချီးမြှင့် ထောက်ပံ့နိုင်ဖို့ ငွေကြေး အလှူထည့်ဝင်ခဲ့ကြတဲ့ ဂျပန်နိုင်ငံရောက် မြန်မာနိုင်ငံသားတွေကို ဂုဏ်ပြုတဲ့ပွဲ တစ်ရပ် လာမဲ့ ဒီဇင်ဘာ ၁၈ ရက်မှာ ပြုလုပ်သွားမယ်လို့ ဆုပေးရေး ကော်မတီက ပြောပါတယ်။
ဆက်ဖတ်ရန်...
ပြန်ခေါက်ခဲ့လေ...
လွတ်လပ်ခြင်း အနုပညာ ရုပ်ရှင်ပွဲတော်အတွက် လေ့ကျင့်နေသည့် လူရွှင်တော် ဇာဂနာ (ဓာတ်ပုံ - Facebook / Maung Thura) အနုပညာရှင်တိုင်း လွတ်လပ်စွာ တွေးခေါ်ဖန်တီး တတ်စေရန် ရည်ရွယ်၍ လွတ်လပ်ခြင်း အနုပညာ ရုပ်ရှင်ပွဲတော်ကို ကျင်းပရခြင်း ဖြစ်ကြောင်း ဦးဆောင်စီစဉ်သူ လူရွှင်တော် ဇာဂနာက ပြောသည်။
လွတ်လပ်ခြင်းအနုပညာ ရုပ်ရှင်ပွဲတော်ကို ၂၀၁၂ ဇန်န၀ါရီ ၁ ရက်နေ့မှ ၄ ရက်နေ့အထိ ကျင်းပမည် ဖြစ်ပြီး မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ဆုချီးမြှင့်မည်ဖြစ်ကာ ဆုပေးပွဲတွင် သီးလေးသီးဆေးရောင်စုံ အဖွဲ့သားများက ဖျော်ဖြေမည်ဖြစ်ကြောင်း သိရသည်။
အဆိုပါ ရုပ်ရှင်ပွဲတော်နှင့် ပတ်သက်၍ ဒါရိုက်တာ မိုက်တီးက “ကောင်းတာပေ့ါဗျာ။ ကျနော်တို့ဆီမှာက မလွတ်လပ်တဲ့ သူက များနေတာ၊ လွတ်လပ်ခြင်း ဆိုတဲ့ အရသာလေးကို အားလုံးသိသွားကြတာပေ့ါ။ စီစဉ်တဲ့သူတွေလည်း အရမ်းကောင်းပါတယ်။ အကုန်လုံးလည်း ပါဝင်ကြမှာပါ။ ကျနော်လည်း စဉ်းစားနေတယ်။ စဉ်းစားလို့ရရင် ကျနော်လည်း အရမ်းပါဝင်ချင်ပါတယ်” ဟု ဆိုသည်။
ကိုဇာဂနာက ရုပ်ရှင်ပွဲတော် ပြုလုပ်ရန်စိတ်ကူးကို ၎င်းအကျဉ်းထောင်ထဲမှ လွတ်မြောက်လာပြီး မြစ်ကြီးနားမှ လေယာဉ် ခရီးဖြင့် ပြန်လာစဉ် တိမ်များအားကြည့်ရှုရင်း ရခဲ့ခြင်း ဖြစ်ကြောင်း၊ လွတ်လပ်ခြင်းအပေါ် ဖွင့်ဆိုမှုကို အခြေခံ၍ ရိုက်ကူး ဖန်တီး ထားသည့် ရုပ်ရှင်ဇာတ်ကားများမှ တဆင့် မြန်မာပြည်သူများ အကြား လွတ်လပ်ခြင်း၏ အနှစ်သာရနှင့် အတွေးအခေါ် အယူအဆများ ပြန့်နှံ့စေရန် ရည်ရွယ်ခြင်းဖြစ်ကြောင်း ရှင်းပြသည်။
“ကြိုးစားဆဲပဲ၊ ယုံကြည်တာကတော့ အောင်မြင်ရမယ်။ ကျေနပ်တာတွေ၊ ပီတိတွေထက် လုပ်သင့်တဲ့ အလုပ်ကို လုပ်လိုက် တာပါပဲ” ဟု ကိုဇာဂနာကဆိုသည်။
၎င်းပွဲတွင် ဆုအမျိုးအစားများ အဖြစ် အကောင်းဆုံး Documentary Film နှင့် အကောင်းဆုံး Short Film ဟူ၍ သတ်မှတ်ထားပြီး ပြိုင်ပွဲဝင်ရုပ်ရှင် အရေအတွက်ပေါ် မူတည်၍ ဒုတိယနှင့် တတိယဆုများကို ချီးမြှင့်သွားမည် ဖြစ်ကြောင်း သိရသည်။
အဆိုပါရုပ်ရှင်ပြိုင်ပွဲကို အသက်အရွယ်စုံ စိတ်ဝင်စားမှုရှိသော်လည်း အသက် ၂၀ မှ ၂၅ နှစ် အကြား လူငယ်များ ပိုမို စိတ်ဝင်စားကြသည်ကို တွေ့ရကြောင်း ကိုဇာဂနာက ပြောသည်။
“တော်တော်မေးကြတယ်။ တချို့ဇာတ်လမ်း လာပြတယ်။ တချို့ကျတော့ အကြောင်းအရာ လာဆွေးနွေး ကြတယ်။ ကျနော် သဘောအကျဆုံးက ၉ တန်းကျောင်းသား ကျောင်းသူလေးတွေ လာဆွေးနွေးတာ ပါပဲဗျာ” ဟု ၎င်းက ဆိုသည်။
အဆိုပါပွဲ ပြုလုပ်ရခြင်း၏ ရည်ရွယ်ချက်များကို ပွဲတွင်ပါဝင်ကူညီမည့် ဒါရိုက်တာ မင်းထင်ကိုကိုကြီးကလည်း ၎င်း၏ facebook စာမျက်နှာများတွင် ဖော်ပြထားသည်။
ယခု လတ်တလော အချိန်အထိ ပြည်တွင်းမှ ရုပ်ရှင်ကား ၅ ကားနှင့် ပြည်ပမှ ၁၃ ကား ၀င်ရောက် ယှဉ်ပြိုင် ထားကြောင်း သိရသည်။
အနုပညာလောကနှင့် နှစ်ပေါင်းများစွာ ကင်းကွာနေပြီး နာရေးကူညီမှုအသင်းကို တည်ထောင်ခဲ့သည့် သရုပ်ဆောင် ဒါရိုက်တာ ကျော်သူကလည်း ဤပွဲတွင် ၀င်ရောက် ယှဉ်ပြိုင်မည်ဖြစ်သည်။
ဇာတ်လမ်းတို ပြိုင်ပွဲများ ပြုလုပ်ခြင်းသည် မြန်မာ့ရုပ်ရှင် အနုပညာကို ကမ္ဘာက သိနိုင်ရန် စတင်ထိုးဖောက်မှု တခု ဖြစ်သောကြောင့် ၀မ်းမြောက်ဝမ်းသာ ကြိုဆိုကြောင်း ဒါရိုက်တာ မလိခ စိုးထိုက်အောင်က ဧရာဝတီကို ပြောသည်။
“ဒီလို ပြိုင်ပွဲတွေ အမြဲတမ်းကျင်းပရင်း ကျနော်တို့ရဲ့ မြန်မာ့ရုပ်ရှင် အနုပညာကို ကမ္ဘာက သိအောင် ထိုးဖောက်နိုင်ဖို့ ကြိုးစားကြတဲ့အပေါ် ၀မ်းသာပါတယ်။ လွတ်လပ်ခြင်း ဆိုတာကတော့ လူတိုင်း လိုလားနှစ်သက်တဲ့ အရာပဲလေ။ အဲဒီခေါင်းစဉ်ကိုလည်း ကြိုဆိုပါတယ်” ဟုသူက ဆိုသည်။
၎င်းအနေဖြင့် စိတ်ကူးစိတ်သန်းရ၍ မိမိ၏ဖန်တီးမှုကို အားရကျေနပ်မှုရှိမည် ဆိုလျှင် အဆိုပါ ပြိုင်ပွဲတွင် ပါဝင်ယှဉ်ပြိုင်ရန် စဉ်းစားထားကြောင်းလည်း ဆက်ပြောသည်။
လွတ်လပ်ခြင်းအနုပညာ ရုပ်ရှင်ပွဲတော်တွင် ဆုရရှိသည့် ဇာတ်ကားများကို နိုင်ငံတကာပြိုင်ပွဲများတွင် ၀င်ရောက်ယှဉ်ပြိုင် နိုင်ရန် ပေးပို့မည်ဖြစ်ပြီး ဆုမရရှိသူများကိုလည်း ၂၀၁၂ ဇန်နဝါရီ ၂၉ ရက်နေ့တွင် ပြုလုပ်မည့် အမေရိကန်နိုင်ငံမှ မှတ်တမ်းရုပ်ရှင် ပညာရှင်များ တွေ့ဆုံဆွေးနွေးပွဲကို တက်ရောက်ခွင့် ပြုမည်ဖြစ်ကြောင်း ကိုဇာဂနာက ရှင်းပြသည်။
လွတ်လပ်ခြင်းအနုပညာ ရုပ်ရှင်ပွဲတော်ကို ချမှတ်ထားသည့် မူဘောင်များအတွင်း ကျင်းပရန် မြန်မာ့ရုပ်ရှင်လုပ်ငန်း ဦးဆောင် ညွှန်ကြားရေးမှူးက လူရွှင်တော် ဇာဂနာအား ခေါ်ယူတွေ့ဆုံ၍ အသိပေးပြောဆိုကြောင်း နိုဝင်ဘာ ၅ ရက်နေ့ထုတ် မြန်မာ့အလင်းသတင်းစာတွင် ဖော်ပြထားသည်။
လူရွှင်တော် ဇာဂနာက “အသိပေးရုံပါဗျာ၊ စာပေ စိစစ်ရေးမှာ တင်ထုတ်၊ ထုတ်တင် နှစ်မျိုးရှိသလို ရုပ်ရှင်မှာလည်း အခကြေးငွေနဲ့ပြတာရယ်၊ ငွေကြေးမယူဘဲ ပြတာရယ် နှစ်မျိုး မတူပါဘူး” ဟု ဧရာဝတီကို ပြောသည်။
မြန်မာပြည်တွင် ဇာတ်လမ်းတို ရုပ်ရှင်ပြိုင်ပွဲကျင်းပခြင်းမှာ ယခုအကြိမ်သည် ဒုတိယအကြိမ်မြောက်ဖြစ်ပြီး မကြာသေးမီက ၀ဿန် အမည်ရှိ မှတ်တမ်းနှင့် ဇာတ်လမ်းတို ရုပ်ရှင်ပွဲတော် ကျင်းပခဲ့သည်။
ဆက်ဖတ်ရန်...
ပြန်ခေါက်ခဲ့လေ...
အငြိမ်းစား ဝန်ထမ်းများ ပင်စင်လစာ ထုတ်ယူနေသည့်မြင်ကွင်း (ဓာတ်ပုံ - Voice Of Myanmar) အင်တာနက် လူမှု ကွန်ရက်တခုဖြစ်သည့် facebook တွင် မကြာသေးမီက တစုံတဦး တင်ထားပေးသော သတင်းစာ ကြော်ငြာဖြတ်ပိုင်းငယ် တခုကိုယင်းကွန်ရက် အသုံးပြုသူ မြန်မာပြည်သားတိုင်း သတိထားမိကြပေလိမ့်မည်။
“မည်သည့်ဒေသတွင် မဆို ခြံစောင့်အဖြစ် သော်လည်းကောင်း၊ ထမင်းချက် အဖြစ်သော်လည်းကောင်း အလုပ်လုပ် လိုသည်” ဆိုသည့် အငြိမ်းစား ကျောင်းအုပ်ကြီးနှင့် ဇနီးတို့၏ အလုပ်ရှာသည့် ကြော်ငြာဖြစ်သည်။
ထိုကြော်ငြာအောက်တွင် ဖတ်ရှုပြီးသူအများစု၏ ကရုဏာသက်သော မှတ်ချက်များကို မြင်တွေ့နိုင်ပါသည်။ လုပ်ကြံဖန်တီး ထားခြင်းမဟုတ်သော ထိုကြော်ငြာပါ စာသားများက မြန်မာပြည်တဝန်းရှိ အငြိမ်းစားများ၏ ဘဝကို ထင်ဟပ်ပြသ နေသကဲ့ သို့ပင်။
“ကျောင်းအုပ်ဆိုတော့လည်း ဂုဏ်တွေဒြပ်တွေနဲ့ နေခဲ့တာပေါ့ဗျာ။ ဒါပေမယ့် အခုချိန်ကျတော့ အဲဒါတွေကိုစွန့်ပြီး ကျနော့် ရဲ့ ညစောင့်အလုပ်ကိုပဲ အကောင်းဆုံးဖြစ်အောင် လုပ်နေရတာပေါ့” ဟု မန္တလေးမြို့ရှိ စင်တင် တေးဂီတနှင့် ဘီယာဆိုင် တဆိုင်တွင် ညစောင့်အဖြစ် အလုပ်လုပ်နေသည့် အငြိမ်းစား မူလတန်း ကျောင်းအုပ်ကြီး ဦးအောင်ဝင်း (နာမည်ရင်း မဟုတ်) က ဧရာဝတီကို ပြောသည်။
မန္တလေးဇာတိဖြစ်သူ ဦးအောင်ဝင်းသည် ၁၉၆၁ ခုနှစ်မှစ၍ မန္တလေးတိုင်း စဥ့်ကူးမြို့နယ်၊ ပုသိမ်ကြီးမြို့နယ်တို့၌ ကျောင်းဆရာအဖြစ် အလုပ်လုပ်ကိုင်ခဲ့ပြီး သက်ပြည့်ပင်စင် ယူချိန်တွင် မူလတန်းကျောင်းအုပ်အဖြစ် တာဝန်ထမ်းဆောင် ခဲ့သူဖြစ်သည်။
မန္တလေးမြို့နှင့် ၇ မိုင်ခန့်ဝေးသည့် ရွာတရွာတွင် ဇနီးဖြစ်သူနှင့် လက်ရှိ နေထိုင်လျက်ရှိပြီး သားနှင့် သမီး ၂ ဦး ရှိကြောင်း လည်း ဦးအောင်ဝင်းကဆိုသည်။ အငြိမ်းစား ဝန်ထမ်းတဦးဖြစ်သည့် အလျောက် စီးပွားရေးကိစ္စများကိုလည်း နားမလည် သဖြင့် လက်ရှိ ခံစားခွင့် ရနေဆဲဖြစ်သည့် ပင်စင်လစာများကို ကြိုတင်ငွေထုတ် စနစ်ဖြင့် ပွဲစားများထံ ပေါင်နှံခဲ့ရ ကြောင်း သူက ဆက်ပြောသည်။
“အရင်က ရတာတော့ ကျနော့်ပင်စင်လစာက ကျပ် ၂ သောင်းပါ၊ နောက်ပိုင်း ၁ သောင်း ထပ်တိုးလာတော့ စုစုပေါင်း ၃ သောင်းရတယ်။ ဒါပေမယ့် ကျနော်လည်း ဘာစီးပွားရေးမှ မလုပ်တတ်တော့ ရှိတာတွေပဲ ထုခွဲစားသောက်ရတယ်။ မလောက်တော့တဲ့ အဆုံးတော့ အဲဒီပင်စင်ကိုပါ နှစ်ဆယ်တိုးနဲ့ ပေါင်ခဲ့ရတာပါ။ အခုကျတော့ ပေါင်လို့ ရတဲ့ပိုက်ဆံလည်း ကုန်ပြီ၊ နေတဲ့အိမ်ကိုလည်း အမိုးတောင် ပြန်မမိုးနိုင်တော့ သူများတွေ ပေးကမ်းထားတဲ့ တာလပတ် အဟောင်းလေးနဲ့ပဲ ပြန်မိုးထားနေရတယ်။ ဆိုတော့ ရတဲ့အလုပ်ပဲ ထွက်ရှာရတော့တာပေါ့ဗျာ” ဟု ဦးအောင်ဝင်းက ဆိုသည်။
ဦးအောင်ဝင်း အလုပ်လုပ်နေသည့် ဘီယာဆိုင်ရှိ စားပွဲထိုးများ၏ ပြောပြချက်အရ လူပုံ ပိန်ပိန်ပါးပါး၊ မျက်မှန်အမြဲ တပ်ရသည်ဆိုသည့် အသက် ၆၁ နှစ်အရွယ် ဦးအောင်ဝင်းသည် မကြာသေးမီကမှ ၎င်းဆိုင်တွင် ညစောင့်အလုပ်ကို ရခဲ့ခြင်း ဖြစ်သည်ဟု သိရသည်။
ဘီယာဆိုင်မှ စားပွဲထိုးများနှင့် အလုပ်သမားများက ၎င်းကို ညစောင့်တဦးအဖြစ် နှိမ့်ချ ဆက်ဆံခြင်း မရှိသော်လည်း ၎င်း၏ သား၊ မြေးအရွယ် လူငယ်များ ဘီယာဆိုင်သို့ လာရောက်၍ မူးယစ်သောက်စားကာ ရန်ဖြစ် ထိုးကြိတ်မှုများကို စိတ်ပျက် မိကြောင်း ဦးအောင်ဝင်းက ဆိုသည်။
“လူငယ်တွေ ကလေးတွေကို မြေတောင်မြှောက်ပေးချင်ခဲ့တာ။ ဒါကြောင့်မို့လို့ပဲ ကျောင်းဆရာအလုပ်ကို ကျနော် ရွေးချယ် ခဲ့တာပါ။ ခေတ်ကြီးပြောင်းလာတာကိုပဲ အပြစ်ပြောရမလားတော့မသိဘူး၊ လူငယ်တွေ မူးပြီး ရန်ဖြစ်နေကြတာကိုပဲ ကျနော့်မှာ လောလောဆယ် ဖြေရှင်းပေးနေရတယ်။ ကိုယ့်အသက် အန္တရာယ် မဖြစ်အောင်လည်း အရမ်းသတိထား နေရတယ်” ဟု ၎င်းက ပြောသည်။
မြန်မာနိုင်ငံမှ အငြိမ်းစား အစိုးရဝန်ထမ်းအချို့သည် အငြိမ်းစားဟူသော ဂုဏ်ပုဒ်ကို ပိုင်ဆိုင်ကြသော်လည်း စီးပွားရေး မလုပ်တတ်သူ၊ သားသမီး ကျောထောက်နောက်ခံ မရှိသော သူများအတွက် အလွန်ပင် ဒုက္ခရောက်ကြရပြီး ရရှိနေသည့် ပင်စင်လစာတခုတည်းနှင့် အသက်ရှင် ရပ်တည်ရန်မလွယ်ကူကြပေ။
မြန်မာနိုင်ငံမှ အစိုးရဝန်ထမ်း များ၏ ပင်စင် လစာကို တိုးမြှင့်ပေးရန် ပြီးခဲ့သည့် ဇွန်လအတွင်းက ပြုလုပ်သည့် ပြည်ထောင်စုလွှတ်တော်တွင် ဆုံးဖြတ်ခဲ့ပြီး ဘဏ္ဍာရေးနှင့် အခွန်ဝန်ကြီးဌာန ဝန်ကြီး ဦးလှထွန်းက ထုတ်ပြန် ကြေညာခဲ့သည်။
ဗိုလ်ချုပ်ကြီးဟောင်း ဦးနေဝင်း၏ မြန်မာ့ဆိုရှယ်လစ်လမ်းစဉ်ပါတီ ခေတ်တွင် အုပ်ချုပ်ရေး တာဝန်များ ထမ်းဆောင်ခဲ့ ရသည့် အငြိမ်းစား ဝန်ထမ်းများကိုလည်း နိုင်ငံရေးပင်စင်လစာကို ခံစားခွင့်ပြုကြောင်း၊ သို့သော် ၎င်းတို့ရရှိနေသည့် နိုင်ငံရေး ပင်စင်လစာသည် ကျပ် ၁၁၀၀၀၀ ထက် ပိုများနေပါက လက်ရှိအတိုင်းသာ ခံစားသွားရမည်ဖြစ်ကြောင်း ဘဏ္ဍာရေးနှင့် အခွန်ဝန်ကြီး ဌာန၏ ဇွန်လအတွင်း ထုတ်ပြန်ခဲ့သည့် ကြေညာချက်တွင် ပါရှိသည်။
ရှမ်းပြည်တောင်ပိုင်း တောင်ကြီးမြို့နေ အငြိမ်းစား ပညာရေးမှူးတဦးက အငြိမ်းစားများ၏ ပင်စင်လစာ တိုးမြှင့်မှု ရှိသော်လည်း မြန်မာနိုင်ငံ၏ စီးပွားရေးအခြေအနေနှင့် ကုန်ဈေးနှုန်းများ ကြီးမြင့်နေမှုကြောင့် ထူးခြားမှု ရှိနိုင်မည် မဟုတ်ကြောင်း၊ အစိုးရ၏ စီးပွားရေးဈေးကွက်အပေါ် ထိန်းချုပ်မှုသည်သာ အဓိကကျကြောင်း ဧရာဝတီသို့ ပြောသည်။
၎င်းက “ပင်စင်တွေကို တိုးပေးလိုက်ပါပြီပဲ ထားပါတော့။ ဈေးကွက်စီးပွားရေးနဲ့ ငွေကြေးတန်ဖိုးကို အစိုးရက ထိန်းချုပ်နိုင်မှု မရှိဘူးဆိုရင် ကျနော်တို့အတွက်က အိတ်ပေါက်နဲ့ ဖားကောက်နေရသလိုပဲ ဖြစ်ဦးမှာပဲ။ မပြေလည်မှုတွေကလည်း ဆက်ရှိ နေဦးမှာပဲ။ တချို့ အငြိမ်းစားကြီးတွေဆိုရင် သူတို့ရှိတဲ့ ဂုဏ်သိက္ခာတွေကို ငဲ့ပြီး ဘိုးဘွားရိပ်သာတွေ၊ လူအိုရုံတွေ မသွား ချင်ကြတာ အများကြီးပဲ” ဟု ဆိုသည်။
အငြိမ်းစားဝန်ထမ်း များသာမက အငြိမ်းစားယူခါနီး လက်ရှိတာဝန်ထမ်းဆောင် နေသော ရန်ကုန်မြို့မှ ကျောင်းအုပ်ဆရာမ ကြီး ဒေါ်အေးအေးသန်းကလည်း မိသားစု ကျောထောက်နောက်ခံ မရှိသဖြင့် ပင်စင်ယူရမည့် အရေးကို တွေးပူနေကြောင်း ပြောပြသည်။
“မိဘတွေ ထားခဲ့တဲ့ အိမ်နဲ့ ခြံတော့ ရှိပါတယ်။ ဒါပေမယ့် ရလာမယ့် ပင်စင်လစာနဲ့ နေလို့လောက်မှာ မဟုတ်ဘူးဆိုတော့ အဲဒီအိမ်ကိုပဲ အရင်းလုပ်ပြီး ရှေ့ဆက်ဘာလုပ်ရမလဲဆိုတာ စဉ်းစားနေတယ်” ဟု ဒေါ်အေးအေးသန်းက ဆိုသည်။
တာဝန်ထမ်းဆောင်နေဆဲ ကျောင်းဆရာ၊ ဆရာမများ၊ ပညာရေးဝန်ထမ်းများအပါအဝင် အငြိမ်းစား ပညာရေးဝန်ထမ်းများ ၏ လူမှုစီးပွားရေး ပြေလည်စေရန်အတွက် ကျောင်းဆရာများ အသင်းချုပ်နှင့် ဆရာများသမဂ္ဂ ဖွဲ့စည်းခွင့်ကို ပြီးခဲ့သည့် အောက်တိုဘာလက လွှတ်တော်အတွင်း တင်ပြတောင်းဆိုခဲ့ရာ ၎င်းအဆိုကို ပယ်ချခဲ့သည်။
ပညာရေး ဝန်ကြီးဌာန ဒုတိယဝန်ကြီး ဦးအေးကြူက ပညာရေး ဝန်ကြီးဌာနတွင် ဌာနများနှင့် ကျောင်းများ၊ တက္ကသိုလ်များ အား စနစ်ကျနစွာ ဖွဲ့စည်းထားပြီး ဖြစ်ကြောင်း၊ ရာထူးအဆင့်အလိုက် ဆရာ၊ ဆရာမများနှင့် ၀န်ထမ်းများလည်း အခါအားလျော်စွာ နှီးနှောဖလှယ်ပွဲများတွင် တွေ့ဆုံနိုင်ကြောင်း၊ ၎င်းတို့၏ လိုအပ်ချက်များကိုလည်း အဆိုပါ တွေ့ဆုံပွဲများ မှတဆင့် ဖြေရှင်းပေးနေကြောင်း၊ တိုင်ကြားစာများကိုလည်း အလေးထားစိစစ် ဆောက်ရွက်နေကြောင်း၊ ထို့ကြောင့် ကျောင်းဆရာအသင်းချုပ် ကဲ့သို့သော အဖွဲ့အစည်းမျိုး ထပ်မံ ဖွဲ့စည်းရန် မလိုအပ်သေးကြောင်း ဖြေကြားခဲ့သည်။
အငြိမ်းစား ပညာရေးဝန်ထမ်းများသာမကဘဲ သားသမီး ကျောထောက်နောက်ခံမရှိသည့်၊ စီးပွားရေးလုပ်ငန်းများကို မလုပ်တတ် မကိုင်တတ်သည့် အငြိမ်းစား ဝန်ထမ်းများလည်း အခက်အခဲများစွာ ကြုံတွေ့နေရကြောင်း သိရသည်။
ဦးကျော်အေးသည် ရန်ကုန်မြို့မှ အငြိမ်းစား ဆောက်လုပ်ရေးဝန်ထမ်းတဦးဖြစ်ပြီး ၎င်းတာဝန်ထမ်းဆောင်နေစဉ်က နေထိုင်ခဲ့သော ဝန်ထမ်းလိုင်းခန်းတွင် နားလည်မှုဖြင့် ဆက်လက်နေထိုင်၍ ဆောက်လုပ်ရေးရုံး၏ သန့်ရှင်းရေး အစရှိသည့် တောက်တိုမယ်ရ အလုပ်များကို လုပ်ကိုင်နေရသည်ဟု ဆိုသည်။
“အလုပ်အသစ်လည်း မရှာနိုင်၊ ကျနော့်ရွာကို ပြန်နေဖို့တောင်မှ ဒီမိသားစုအတွက် လမ်းစရိတ်မရှိသေးဘူး။ ဟိုတလောက ရထားဝန်ထမ်းဟောင်း တွေကို လိုင်းခန်းတွေကနေ နှင်ချတယ်လို့ကြားတော့ ကျနော်တို့လည်း မျက်ခုံး ခပ်လှုပ်လှုပ်ပဲ” ဟု ဦးကျော်အေးက ပြောသည်။
ပြီးခဲ့သည့် စက်တင်ဘာလ အတွင်းက ရန်ကုန်တိုင်းအတွင်းရှိ မီးရထားဝန်ထမ်း မိသားစုပေါင်း ၃၀၀၀ ကျော်ကို ၎င်းတို့ နေထိုင်ရာ အိမ်ခန်းများမှ ဖယ်ရှားခဲ့သည်။ ဝန်ထမ်းအိမ်ယာများတွင် လူပေါင်းစုံ လာရောက်နေထိုင်ကာ ရာဇဝတ်မှု မျိုးစုံ ဖြစ်ပွား နေသည့်အတွက် ရွှေ့ပြောင်းခဲ့ရခြင်း ဖြစ်ကြောင်း သိရသည်။
မြန်မာတနိုင်ငံလုံးတွင် ပင်စင်စားဦးရေ ၉ သိန်းကျော်ရှိကြောင်း ပြီးခဲ့သည့် ဇူလိုင်လ အစောပိုင်းက ထုတ်ဝေခဲ့သည့် အစိုးရပိုင် မြန်မာ့အလင်း သတင်းစာတွင် ဖော်ပြပါရှိသည်။ ပင်စင်စားများအတွက် ကျပ် ၆၀၀ ထက်မပိုသော ပင်စင်လစာ ခံစားခွင့်စနစ်ကို ၁၉၈၉ တွင်ပယ်ဖျက်ခဲ့ပြီး ၁၉၉၃ ခုနှစ်တွင် ပင်စင်စားများ၏ လစာနှုန်းထားကို ၂၅ ရာခိုင်နှုန်း တိုးမြှင့်ပေးခဲ့သည်။
၁၉၉၄ ခုနှစ်တွင် မိသားစု ပင်စင်လစာကို တဝက်မှ ၄ ပုံ ၃ ပုံ အထိ တိုးမြှင့်ခံစားခွင့် ပေးခဲ့ပြန်သည်။ ၂၀၀၀ ပြည့်နှစ်တွင် ပင်စင်လစာကို ၂ ဆ တိုးမြှင့်ပေးသည်။ သို့ရာတွင် ထိုသို့ တိုးမြှင့် ပေးခဲ့ခြင်းများမှာ ၎င်းနှစ်များနှင့် အကျုံးဝင်သော ပင်စင်စားများအတွက်သာ ဖြစ်ပြီး ထိုနှစ်များ၏ အရှေ့တွင် ပင်စင် ယူခဲ့သူများ မပါဝင်ပေ။
ပင်စင်စားများအတွက် နောက်ဆုံးအကြိမ် ခံစားခွင့် တိုးမြှင့်ရာတွင် ကျပ် ရာဂဏန်း၊ ထောင်ဂဏန်း ရရှိခံစားနေရာမှ သောင်း ဂဏန်း အထိ တိုးမြှင့်သွားမှုကြောင့် ယေဘုယျအားဖြင့် များပြားသည်ဟုဆိုနိုင်သော်လည်း ၎င်းပင်စင်လစာကိုသာ မီခိုနေရသူများ အဖို့ လုံလောက်စွာ ထောက်ပံ့မှု ပေးနိုင်မည်မဟုတ်ကြောင်း ဦးအောင်ဝင်း၊ ဒေါ်အေးအေးသန်းနှင့် ဦးအေးကျော် တို့၏ ပြောဆိုချက်များအရ သိရှိနိုင်ကြ ပေလိမ့်မည်။
ဆက်ဖတ်ရန်...
ပြန်ခေါက်ခဲ့လေ...
၂ဝဝ၇ ခုနှစ် ရွှေဝါရောင် သံဃာနှင့် လူထု လှုပ်ရှားမှုကာလတွင် ငြိမ်းချမ်းစွာ မေတ္တာပို့ ဆုတောင်းသော သံဃာများ စက်တင်ဘာလ ၂၅ ရက်နေ့က ရန်ကုန်မြို့၊ ရွှေတိဂုံ စေတီတော်မှ ဆင်းလာပြီး မြို့တွင်းသို့ စီတန်းလှည့်လည် ကြွချီတော်မူနေကြပုံ ဖြစ်ပါသည်။၂၀၀၇ ခု ရွှေဝါရောင် သံဃာ့ အရေးအခင်း အတွင်း သပိတ်မှောက် ကံဆောင်ခဲ့တဲ့ အတွက် ထောင်ချခံရပြီး မကြာခင်ကမှ လွတ်မြောက်လာတဲ့ သံဃာတော်တွေကို သိက္ခာထပ်ပွဲ တစ်ခု နိုဝင်ဘာ ၁၂ ရက်မှာ ကျင်းပမယ်လို့ သိရပါတယ်။
ဒီပွဲကို ဒဂုံမြို့သစ် အရှေ့ပိုင်း မကွေး ပရိယတ္တိ စာသင်တိုက်မှာ ကျင်းပမှာ ဖြစ်ပြီး နိုင်ငံရေး အကျဉ်းသား တစ်ဦးအဖြစ် အနှစ် ၂၀ နီးပါး ထောင်ဒဏ်ကျခံခဲ့ရတဲ့ NLD ခေါင်းဆောင် တစ်ဦး ဖြစ်သူ ဦးဝင်းတင်ကို ဒီပွဲမှာ ဆရာတော် ဦးပါမောက္ခက ရွှေသား အတိနဲ့ ထုလုပ်ထားတဲ့ သူရသတ္တိဆု ချီးမြှင့်ဖို့ စီစဉ်ထားတယ်လို့လည်း နိုင်ငံရေး အကျဉ်းသား မိသားစုများ အကျိုးဆောင် ကွန်ယက်က ကိုအောင်ဇော်ထွန်းက ပြောပါတယ်။
အဲဒီနေ့ အခမ်းအနားမှာ နိုင်ငံရေး အကျဉ်းသား မိသားစုဝင်တွေကို စာအုပ်စာတမ်းနဲ့ တခြား အထောက်အပံ့ ပစ္စည်းတွေ ပေးအပ်မယ်လို့ သိရပါတယ်။
ဆက်ဖတ်ရန်...
ပြန်ခေါက်ခဲ့လေ...
နာမည်ဆိုးနှင့် ကျော်ကြားသော မြန်မာနိုင်ငံ အင်းစိန်အကျဉ်းထောင်၏ အုတ်ရိုးအပြင်ဘက်တွင် အစောင့်တဦး လှည့်ပတ်စောင့်ကြည့်နေပုံ ဖြစ်ပါသည်။ (PHOTO: AFP)မြန်မာနိုင်ငံ အကျဉ်းထောင် အသီးသီးက နိုင်ငံရေး အကျဉ်းသား အားလုံးကို ခြွင်းချက်မရှိ အမြန်ဆုံး လွှတ်ပေးဖို့ ကနေဒါ ပြည်သူ့ဝန်ထမ်း အလုပ်သမား သမဂ္ဂအဖွဲ့ ကိုယ်စားလှယ် ၄၀၀ ကျော်က နိုဝင်ဘာ ၇ ရက် နေ့က တောင်းဆိုလိုက်ကြပါတယ်။
ကနေဒါနိုင်ငံ ဗင်ကူးဗားမြို့မှာ ကျင်းပတဲ့ ကနေဒါနိုင်ငံရဲ့ အကြီးဆုံး အလုပ်သမားသမဂ္ဂ အဖွဲ့တစ်ခု ဖြစ်တဲ့ CUPE ရဲ့ ညီလာခံမှာ မြန်မာနိုင်ငံက နိုင်ငံရေး အကျဉ်းသားတွေ လွတ်မြောက်ရေး အတွက် လှုပ်ရှားမှု ပြုလုပ်ခဲ့ရာ တက်ရောက်လာတဲ့ ကိုယ်စားလှယ်တွေက တောင်းဆိုချက်ကို လက်မှတ် ရေးထိုးခဲ့ကြောင်း ကနေဒါ မြန်မာ့မိတ်ဆွေများ အဖွဲ့ CFOB တာဝန်ခံ ဦးတင်မောင်ထူးက အာရ်အက်ဖ်အေကို ပြောပါတယ်။
ဒါ့အပြင် မြို့နယ် အသီးသီးက အလုပ်သမား အဖွဲ့ဝင်တွေဆီက ထောက်ခံချက် ထပ်မံရရှိဖို့ ဆက်လက် ဆောင်ရွက်သွားမှာ ဖြစ်ကြောင်း ကိုယ်စားလှယ်တွေက ပြောကြားခဲ့တယ်လို့ သိရပါတယ်။
ဒီလှုပ်ရှားမှုကို CUPE အဖွဲ့၊ ကနေဒါ အခြေစိုက် CUSO-VSO လို့ခေါ်တဲ့ နိုင်ငံတကာ ဖွံ့ဖြိုးတိုးတက်မှု ဆိုင်ရာ ဆောင်ရွက်ရေး အဖွဲ့နဲ့ ကနေဒါ မြန်မာ့မိတ်ဆွေများ အဖွဲ့ CFOB တို့ ပူးပေါင်း ဆောင်ရွက်ခဲ့တာ ဖြစ်ကြောင်း သိရပါတယ်။
အခုရရှိတဲ့ လက်မှတ်တွေကို မကြာခင် ရက်ပိုင်း အတွင်း ကနေဒါနိုင်ငံရှိ မြန်မာသံရုံးကို ပေးပို့မယ်လို့ သိရပါတယ်။
ဆက်ဖတ်ရန်...
ပြန်ခေါက်ခဲ့လေ...
Image: RFA လူငယ်ဘလော့ဂါ နေဘုန်းလတ်၏ ဘလော့ဂ်စာမျက်နှာ
ဖားအံအကျဉ်းထောင်မှာ ထောင်ဒဏ် ၁၁ နှစ် ကျခံနေရဆဲ ဖြစ်တဲ့ ဘလော့ဂါ ကိုနေဘုန်းလတ်က လောလောဆယ် သူ မလွတ်မြောက်သေးပေမယ့် တခြား ထင်ရှားတဲ့ နိုင်ငံရေးလှုပ်ရှားသူတွေ အရင် လွတ်မြောက်ဖို့ လိုလားကြောင်း ပြောဆိုလိုက်ပါတယ်။
ကရင်ပြည်နယ် ဖားအံ အကျဉ်းထောင်မှာရှိတဲ့ ဘလော့ဂါ ကိုနေဘုန်းလတ်ကို မကြာခင်က ထောင်ဝင်စာ သွားရောက် တွေ့ဆုံစဉ်မှာ အဲဒီလို ပြောဆိုလိုက်တာ ဖြစ်တယ်လို့ မိခင်ဖြစ်သူ ဒေါ်သန်းအေး က RFA ကို ပြောပါတယ်။
ကိုနေဖုန်းလတ်ဟာ ရွှေဝါရောင် သံဃာ့လှုပ်ရှားမှု အပြီး ၂ဝဝ၈ ခုနှစ်အတွင်းမှာ အီလက်ထရောနစ် ပုဒ်မနဲ့ ထောင်ဒဏ် အနှစ် ၂ဝ ကျော် ချမှတ်ခံခဲ့ရပါတယ်။
အဲဒီနောက် အယူခံ ဝင်ခဲ့ရာမှာ ပြစ်ဒဏ်ကို ၁၂ နှစ်အထိ ပြင်ဆင် သတ်မှတ်ပေးခဲ့ပါတယ်။ အဲဒီနောက် သမ္မတ ဦးသိန်းစိန်ရဲ့ ပထမဆုံးအကြိမ် လွတ်ငြိမ်းချမ်းသာခွင့် အမိန့်အရ ပြစ်ဒဏ် (၁) နှစ် လျှော့ပေါ့ခံရပြီး ဖားအံ အကျဉ်းထောင်မှာ ထောင်ဒဏ် ၁၁ နှစ် ကျခံနေရဆဲ ဖြစ်ပါတယ်။
ဆက်ဖတ်ရန်...
ပြန်ခေါက်ခဲ့လေ...
