ထောင်ဆေးရုံမှာ ခွဲစိတ်ကုသမယ့် နေမျိုးဇင်အတွက် စိုးရိမ်မိခြင်း
စိန်သံလုံး
စိန်သံလုံး
တောင်ကြီးမြို့မှာရှိတဲ့ တပ်ထိန်းတပ်က ထွက်လာခဲ့တဲ့ ဗိုလ်ကြီးဟောင်း နေမျိုးဇင်ကို လူမှုရေးကိစ္စ၊ ပရဟိတ လုပ်ငန်းတွေနဲ့ ဘီဂျီ သွေးလှူရှင်များ စုဆောင်းတဲ့ NLD အဖွဲ့ဝင်တဦးဖြစ်နေတာကြောင့် အပြစ်ရှိရှိ မရှိရှိ၊ အ ပြစ်ကြီးကြီး မကြီးကြီး ခိုင်လုံတဲ့ အကြောင်းပြချက်မရှိဘဲ အီလက်ထရောနစ် ဥပဒေပုဒ်မနဲ့ ထောင် ၁၀ နှစ် မ တရားချခဲ့တယ်။ နိုင်ငံရေးလုပ်တဲ့သူတိုင်းကို ဒီလို မတရားဖမ်းဆီးထောင်ချနေတာဖြစ်လို့ ဒီကိစ္စ မဆန်းတော့ ဘူးလို့ ဆိုရပေမယ့် ခံရသူတွေအတွက်ကတော့ အခဲမကျေစရာပါ။
အဲဒီ ဗိုလ်ကြီးဟောင်း နေမျိုးဇင်ဟာ လမ်းလျှောက်လို့မရလောက်အောင် ခါးကြောဝေဒနာခံစားနေရလို့ ကြည့် မြင်တိုင် အရိုးကုဆေးရုံမှာ တတ်ရောက်ကုသခွင့်တောင်းခံတာကို ထောင်ပိုင်က ပယ်ချခဲ့ပြီး ထောင်ဆေးရုံမှာ ပဲ ခွဲစိတ်ကုသခွင့်ပေးခဲ့တယ်။ မြန်မာပြည်မှာရှိတဲ့ အကျဉ်းထောင် ၄၂ ခု၊ အလုပ်စခန်း ၁၀၉ ခုမှာ အကျဉ်း သားဦးရေ တသိန်းနီးပါးရှိပေမယ့် ကျန်းမာရေးစောင့်ရှောက်မှုအတွက် ဆရာဝန် ၃၈ ဦး၊ သွားဆရာဝန် ၂ ဦးနဲ့ လက်ထောက်ကျန်းမာရေးမှူး ၁၂ ဦး၊ သူနာပြု ၂၆ ဦး၊ ဆေးဘက်ဝန်ထမ်း ၄ ဦးကိုသာ တရားဝင် ခန့်အပ် ထားတယ်လို့ သိရတယ်။
“ထောင်ကျအကျဉ်းသားတွေ အပြင်ကလူတွေထက် ကျန်းမာအောင်နေဖို့ ပိုအရေးကြီးတယ်။ တကယ်ဖြစ်ရင် ထောင်ထဲက ကြိုးနီစနစ်တွေနဲ့ ဆေးရုံကို ချက်ချင်းမရောက်ဘူး။ ညထောင်ပိတ်ချိန်ဆို ပိုပြီးဆိုးတယ်။ အဆင့်ဆင့် သတင်းပို့ဖို့ ခွင့်တောင်းနေတာနဲ့ သေရတဲ့သူတွေရှိတယ်။ နိုင်ငံခြားရေးဝန်ကြီးဟောင်း ဦးဝင်းအောင် အင်းစိန်ထောင်မှာ သေခဲ့တာ အဲဒါမျိုးပေါ့။ ဆေးရုံကို ၁ နာရီခွဲကြာမှ ရောက်တယ်။ အသက်မမီတော့ဘူး။”
အကျဉ်းသားတွေ ဖြစ်လေ့ဖြစ်ထရှိတဲ့ ရောဂါကတော့ အဓိက ဗီတာမင်ချို့တဲ့ခြင်းရောဂါနဲ့ သွေးအားနည်းခြင်း ရောဂါတို့ကို တွေ့ရှိရကြောင်း သုတေသနလုပ်ဖူးသူများက ဆိုပါတယ်။ အကျဉ်းသားတွေကို အသားဟင်း တ ပတ် ၂ ကြိမ် ကျွေးပါတယ်။ ဗုဒ္ဓဟူးနေ့နဲ့ တနင်္ဂနွေနေ့ဖြစ်ပြီး ကျန်တဲ့ရက်တွေမှာတော့ မနက်ပိုင်း ပဲဟင်း၊ ည နေ အသီးအရွက်ပြုတ် ကျွေးပါတယ်။ ဒီကြားထဲမှာ ထောင်ပိုင်အချို့နဲ့ ချက်ပြုတ်ရေး ဖိုခေါင်းတွေက ခိုးလို့ ပြည့်ပြည့်၀၀ မစားရတာများပါတယ်။
အကျဉ်းသားတွေနဲ့ ပတ်သက်လို့ နိုင်ငံတကာအစိုးရတွေ မဖြစ်မနေ လိုက်နာကျင့်သုံးရမယ့် ဂျီနီဗာ သဘော တူညီချက် အပိုဒ် ၂၀ မှာ “ထောင်သားတွေ ကျန်းမာရေးနဲ့ ခွန်အားအတွက် အာဟာရပြည့်တဲ့ အစားအစာ တွေကို အရည်အသွေး ပြည့်ဝစေရမယ်၊ သန့်ရှင်းရမယ်”၊ အပိုဒ် ၂၂ မှာတော့ “ထောင်တိုင်းမှာ အရည်အချင်း ပြည့်မီတဲ့ ဆရာဝန်တဦးစီ ရှိရမယ်၊ အကျဉ်းသားတွေ ကျန်းမာရေးအတွက် စိတ်ရောဂါကုဆေးရုံတွေ အပါအ ၀င် ကျန်းမာရေးဝန်ကြီးဌာနတွေနဲ့လည်း စနစ်တကျ ဆက်စပ်ဆောင်ရွက်ရမယ်၊ ကိရိယာနဲ့ ကျွမ်းကျင်သူဝန် ထမ်းတွေ ထားပေးရမယ်” အဲဒီလို သတ်မှတ်ချက်ရှိပေမယ့် မြန်မာပြည်မှာ အကျဉ်းထောင် ၄၂ ခုနဲ့ ရဲဘက်အ လုပ်စခန်း ၁၀၉ ခုရှိပြီး ဆရာဝန်က ၃၈ ဦးပဲရှိပါတယ်။ အချိုးအစားကမမျှဘူး၊ ထောင်ဆေးရုံတွေမှာ ဆေးမှူး တွေပဲ ရှိတာများတယ်။ အဲဒီဆေးမှူးတွေက ထောင်ပိုင်တွေနဲ့ နီးစပ်သူတွေကိုပဲ ခန့်ထားတာ၊ ဆေးထိုးတတ် တာ၊ ဆေးပညာ နားလည်တာ အဓိကမဟုတ်ဘူး။ ထောင်ပိုင်နဲ့ ဆရာဝန်ကို ငွေပေးနိုင်မှ ဆေးမှူးဖြစ်တာ၊ အ ကျဉ်းသားဆေးမှူးဆိုတာ ရိုးရိုးအကျဉ်းသားထက် အခွင့်အရေးရတယ်။ ထောင်တွေ၊ အကျဉ်းစခန်းတွေထဲမှာ သေဒဏ်နဲ့ ဆေးရုံတတ် လူနာပဲ နေ့စဉ် အသားစား အခွင့်အရေးရတယ်။
သေဒဏ်ကျ အကျဉ်းသားထဲမှာ ရာဇ၀တ်မှုသေဒဏ်နဲ့ နိုင်ငံရေးသေဒဏ်ဆိုတာ ၂ မျိုး ရှိတယ်။ ဆေးပညာမ တတ်တဲ့ ဆေးမှူးတွေ ဆေးမှားထိုးလို့ သေတာမျိုးတွေ ရှိတယ်။ ကြောက်စရာကောင်းတယ်။ ထောင်ထဲမှာ ခွဲ စိတ်ကုသမယ့် နေမျိုးဇင်အတွက် စိုးရိမ်မိတယ်။ ထောင်ဆေးရုံဆိုတာ ဘာမှ မပြည့်စုံဘူး။ ဘာမီတွန်နဲ့ ပါရာစီ တမောလောက်ပဲရှိတာ။ ကောင်းတဲ့ ဆေးတွေကတော့ စာရင်းပဲရှိတယ်။ ထောင်ဆေးရုံမှာ ရောဂါမရှိဘဲနဲ့ တက်ချင်ရင် ဆရာဝန်ကို ပိုက်ဆံပေးရင် လူနာဖြစ်သွားရော။ အင်းစိန်ထောင်မှာတော့ ဈေးကြီးတယ်။ လူနာ ဖြစ်ချင်ရင် ၂ သိန်း ပေးရတယ်။ ထောင်စကားနဲ့ပြောရရင် ဘောင်ချာဖြတ်တယ်လို့ခေါ်တယ်။ အဆောင်မှူးရဲ့ ဘောင်ချာ၊ ထောင်ပိုင်လေးရဲ့ဘောင်ချာ၊ ထောင်ပိုင်ကြီးရဲ့ဘောင်ချာ၊ ထောင်ဆရာဝန်ရဲ့ဘောင်ချာဆိုပြီး အ မျိုးမျိုးရှိတယ်။ ဘယ်ဘောက်ချာမှ သွားမထိနဲ့ မရဘူး။ ဆိုင်ရာပိုင်ရာတွေ ရှိတယ်။ အဆောင်တွေမှာတော့ အ ခန်းလူကြီးရဲ့ဘောင်ချာပေါ့။ သူတို့ ၀င်ငွေရှိတော့ တလ တခါ အိမ်ကို ငွေပြန်ပို့နိုင်တယ်လေ။
အကျဉ်းဦးစီးဌာနမှာ ၀င်ငွေအကောင်းဆုံးနေရာကတော့ ရဲဘက်အလုပ်စခန်းတွေပဲ။ ကျောက်ခွဲတဲ့ စခန်းဆို ၀င်ငွေအကောင်းဆုံး တာဝန်ခံ ထောင်ပိုင်ရဲ့ဝင်ငွေက တနေ့ကို ၂ သိန်းကနေ ၆ သိန်းအထိ ရှိတယ်။ အဲဒီလို ၀င်ငွေကောင်းတဲ့ ရဲဘက်စခန်းကို ပြောင်းချင်တဲ့ ထောင်ပိုင်တွေ အနည်းဆုံး သိန်း ၅၀ လောက် လူကြီးတွေ ကို ကန်တော့နိုင်မှ လိုချင်တဲ့နေရာ ရောက်တယ်။ အချို့စခန်းတွေဆို ကန်တော့ငွေ ဒီထက်ပိုသေး။ ရဲဘက်စ ခန်းတွေမှာ အဆိုးဆုံးကတော့ ဘ၀စခန်းတွေပဲ။ ဘ၀ ၉ က အဆိုးဆုံးတဲ့၊ ထမင်းဝအောင် မကျွေးဘူး။ တိုင် ရင်တော့ စားပိုးနင့်အောင်ကျွေးတယ်တဲ့။ ပုံစံမလို အ၀ကျွေးတယ်ဆိုတာ တိုင်လို့ရတဲ့နေရာတွေက ထောင် တွေ အလုပ်စခန်းတွေမှာပဲရှိတယ်။ ထောင်က ၀န်ထမ်းတွေကလည်း ၀င်ငွေနည်းတော့ အကျဉ်းသားကျွေးတဲ့ ထမင်းကိုပဲ အားကိုးပြီးစားကြတယ်။ တချို့ဝန်ထမ်းတွေက အကျဉ်းသားကျွေးတဲ့ ထမင်းကို ၀က်ကျွေးတယ်။ ဒါကြောင့် ICRC က ပြောတာ၊ အကျဉ်းသားတွေကို ကျွေးတဲ့ထမင်းက ခွေးစာ ၀က်စာတဲ့။
ထောင်ဆေးရုံတွေမှာ လူနာနဲ့ ကုသတဲ့ ဆရာဝန် အင်အားမမျှဘူး။ အပြင်က ဆေးဝယ်မစားနိုင်ရင် သေတာ များတယ်။ ထောင်က ထောင်ပိုင်ဆိုတာ လူနာသေရင် စာရွက်တရွက်ပဲ ကုန်တယ်။ အထက်ကို အခြေအနေ တင်ပြရတာပဲရှိတယ်။ အခု အင်းစိန်ထောင်မှာ အောက်တိုဘာ ၂၆ ရက်နေ့က နိုင်ငံရေးအကျဉ်းသား ၁၅ ဦး က အစာငတ်ခံ ဆန္ဒပြကြတယ်။ အကျဉ်းထောင်လက်စွဲပါ အကျဉ်းသားလျှော့ရက် ခံစားခွင့်မရတဲ့ကိစ္စနဲ့ ဆန္ဒ ပြကြတာလေ။ အခြားရာဇ၀တ်အကျဉ်းသားတွေ လျှော့ရက်ရကြတယ်။ နိုင်ငံရေးအကျဉ်းသားဆို လျှော့ရက်မ ရကြဘူး။ အစာငတ်ခံဆန္ဒပြတော့ ရေပါဖြတ်ထားတယ်။ ၂ ဦး ထောင်ဆေးရုံ ပို့လိုက်ရတယ်။
ထောင်ဆေးရုံဆိုတာ ရောဂါမရှိသူတွေအတွက် အနေချောင်ပေမယ့် ရောဂါရှိသူတွေအတွက်ကတော့ အသေ မချောင်ဘူး။ “ငွေကုန်ခံနိုင်ရင် ... အကောင်းဆုံးပဲ ... ပွဲကြိုက်တဲ့ ခင်နှမရယ်” ဆိုတဲ့ ပွဲကြိုက်ခင်သီချင်းလိုပဲ။ ထောင်ကျအကျဉ်းသားတွေ အပြင်ကလူတွေထက် ကျန်းမာအောင်နေဖို့ ပိုအရေးကြီးတယ်။ တကယ်ဖြစ်ရင် ထောင်ထဲက ကြိုးနီစနစ်တွေနဲ့ ဆေးရုံကို ချက်ချင်းမရောက်ဘူး။ ညထောင်ပိတ်ချိန်ဆို ပိုပြီးဆိုးတယ်။ အဆင့် ဆင့် သတင်းပို့ဖို့ ခွင့်တောင်းနေတာနဲ့ သေရတဲ့သူတွေရှိတယ်။ နိုင်ငံခြားရေးဝန်ကြီးဟောင်း ဦးဝင်းအောင် အင်းစိန်ထောင်မှာ သေခဲ့တာ အဲဒါမျိုးပေါ့။ ဆေးရုံကို ၁ နာရီခွဲကြာမှ ရောက်တယ်။ အသက်မမီတော့ဘူး။ ထောင်ဆေးရုံ မပြောနဲ့၊ အပြင်ဆေးရုံတွေမှာရော အဆင်ပြေလို့လား။ ဒါကြောင့် အထူးကုဆေးရုံတွေ ခေတ် စားနေတာ။ တချို့ဆို ထိုင်းနဲ့ စင်ကာပူဆေးရုံတွေပဲ အားကိုးကြတယ်လေ။ ဒါကြောင့် နေမျိုးဇင်ကို စိုးရိမ်မိ တာပေါ့။ ။
0 Comments:
Post a Comment