ငြိမ်းချမ်းယခင် ‘အတ္တလား၊ ပရဟိတလား’ ကို ဆက်ပြီး ရေးလိုမေးလိုတာတွေ ရှိပါတယ်။ နာဂစ်မှာ ဘ၀ပျက်ခဲ့သူ စာ ရင်းအမှန်ကို ကိုအောင်သူငြိမ်းလည်း မကိုးကားပါ။ ယူအန်နဲ့ အခြားအန်ဂျီအိုကြီးတွေ အပါအ၀င်၊ ကမ္ဘာ့ဘဏ် အပါအ၀င် အားလုံးက သိထားကြပေမယ့် နအဖက တရားဝင်ထုတ်ပြန်တဲ့ စာရင်းပမာဏကိုသာ ကိုးကားကြပါ တယ်။ အမှန်တကယ် အသေအပျောက် ပမာဏကို ကိုအောင်သူငြိမ်း အလုပ်လုပ်နေတဲ့ အဖွဲ့အစည်းက သိရှိ တာကို ငြင်းလို့မရပါဘူး။ စစ်တပ်အတွင်း မောင်အေးရဲ့ခရီးစဉ်မှာ သိလာရတဲ့ စာရင်းကို အစိုးရအဖွဲ့အစည်း တွေကော၊ အန်ဂျီအိုတွေကော၊ ကိုအောင်သူငြိမ်းတို့အဖွဲ့ကော၊ အတွင်းက ဒေသဆိုင်ရာ အန်ဂျီအိုတွေကော သိနေကြပေမယ့် ဘာလို့ နအဖရဲ့ အမြဲတမ်း သေနှုန်းလျှော့ချတတ်တဲ့ စာရင်းဇယားတွေနဲ့ပဲ လုပ်နေကြလဲဆို တာ စဉ်းစားစရာပါပဲ။
အမှန်ကိုအမှန်အတိုင်း လူထုကိုကော ကမ္ဘာကိုကော တင်ပြဖို့မလုပ်ကြဘဲနဲ့ နအဖနဲ့ ၀ိုင်းလိမ်ရာမှာ ဘာကြောင့် ပါကြသလဲဆိုတာ တွေးကြည့်ကြဖို့ကောင်းပါတယ်။ ကိုအောင်သူငြိမ်းတို့ရဲ့လုပ်ဖော်ကိုင်ဖက်တယောက်က ဒီ စာရင်းအမှန်ကို ကိုးကားခဲ့လို့ အားလုံးဝိုင်းလိမ်နေတဲ့ အသိုင်းအ၀ိုင်းတွေရဲ့ ၀ိုင်းတုတ်ကြတာကို ခံရတာကိုက လည်း ဘာတွေဖြစ်နေကြသလဲဆိုတာ စဉ်းစားမရလောက်အောင်ပါပဲ။ လူထုအကျိုးပြုလုပ်မယ့် အဖွဲ့အစည်း တွေကိုယ်နှိုက်က လူထုကို လိမ်ညာလှည့်စား အကျိုးယုတ်တာတွေ မလုပ်သင့်ကြတာ အမှန်ပါပဲမဟုတ်လား။
နာဂစ်ဖြစ်တုန်းက ကမ္ဘာ့နိုင်ငံအသီးသီးက အကူအညီကို လိုအပ်ခဲ့တာ အမှန်ပါ။ မြန်မာနိုင်ငံက လူမှုရေးလုပ် ငန်းတွေလောက်နဲ့လည်း မလုံလောက်နိုင်ဘူးဆိုတာ အမှန်ပါပဲ။ ဒါပေမယ့် တခုသတိပြုသင့်တာက နာဂစ်ကိစ္စ မှာ စစ်အာဏာရှင်တွေက အပြည်ပြည်ဆိုင်ရာအကူအညီတွေကို အဟန့်အတား လုပ်နေချိန်တွေမှာ မြန်မာနိုင် ငံအတွင်းက လူမှုရေးကိုယ့်အားကိုယ်ကိုးလုပ်ကြသူတွေကြောင့် အသက်ပေါင်းမြောက်များစွာ ကယ်တင်နိုင်ခဲ့ တယ်။ အဆိုးရွားဆုံး အခြေအနေဆိုးကြီးတွေကို တားဆီးနိုင်ခဲ့တယ်။ အရေးပေါ် ကယ်တင်မှုမှာသာမကဘဲ နောက်ပိုင်းလုပ်ငန်းတွေမှာလည်း ဘယ်လောက်အရေးပါတဲ့ အခန်းကဏ္ဍတွေက ထိထိရောက်ရောက် ပါနိုင်ခဲ့ တယ်ဆိုတာတွေကို ကုလသမဂ္ဂနဲ့ ကမ္ဘာ့ဘဏ်အပါအ၀င် အခြားအပြည်ပြည်ဆိုင်ရာ အဖွဲ့အစည်းကြီးတွေရဲ့ လေ့လာတွေ့ရှိချက် အစီရင်ခံစာတွေထဲမှာ သေသေချာချာ လေးလေးနက်နက် ဖော်ပြခဲ့ကြတာကိုလည်း မမေ့ သင့်၊ မသိချင်ယောင်ဆောင်ဖို့မသင့်ပါဘူး။ ယနေ့အချိန်အထိ တကယ်ထိထိရောက်ရောက် အကူအညီပေးနေ သူ၊ လုပ်ကိုင်နေသူတွေဟာ မြန်မာနိုင်ငံက ကိုယ့်အားကိုယ်ကိုးလုပ်နေတဲ့ အဖွဲ့အစည်းတွေဖြစ်တယ်ဆိုတာကို နောက်ဆုံးသုံးသပ်ချက်တွေမှာအထိလည်း တွေ့နေရမှာကို သတိထားစေလိုပါတယ်။
စစ်အစိုးရရဲ့ ကြိုးနီစံနစ်နဲ့ ဟန့်တားမှုနည်းအမျိုးမျိုးကို အပြည်ပြည်ဆိုင်ရာ အဖွဲ့အစည်းကြီးတွေ အားလုံးနီးနီး ရင်ဆိုင်နေရချိန်မှာ ကိုယ်ထူကိုယ်ထ ကူညီသူတွေက အတားအဆီးတွေကို ရှောင်လွှားပြီး စွန့်စွန့်စားစားလုပ်ခဲ့ ကြတာ လုပ်နေနိုင်ကြတာကို အားလုံးအသိအမှတ်မပြုဘဲ မနေနိုင်လောက်အောင်ပါပဲ။ တခုပဲရှိတာက ဒီလုပ် ငန်းတွေလုပ်နေသူတွေက သူတို့က ဘယ်လောက်လုပ်လိုက်ပြီ၊ ဘယ်နေရာတွေမှာ ဘာတွေလုပ်လိုက်ပြီဆို တာကို ပိုတောင်းကောင်းအောင်၊ ပိုလုပ်စားလို့ရအောင်လုပ်ကြတဲ့ အန်ဂျီအိုအဖွဲ့တွေလို ကြော်ငြာဆိုင်းဘုတ် လိုက်မထိုးနေဘဲ တိတ်တိတ်ဆိတ်ဆိတ်နဲ့ လုပ်နေခဲ့ကြတာပါပဲ။ လုပ်စားဖို့သာစဉ်းစားနေတဲ့ အတွင်းက ဒေသ ဆိုင်ရာ အန်ဂျီအိုအဖွဲ့တွေ၊ အိုင်အာစီလို ဘာမှတောင်မလုပ်ရသေးဘူး၊ အခုထိလည်း ဘာမှဟုတ်တိပတ်တိ မ လုပ်နိုင်သေးဘူး၊ ကွန်ဂရက်မှာ နာဂစ်ထိတဲ့သူတွေအားလုံးကိုပဲ သူတို့ကယ်နေသယောင်ယောင်ပြောဆိုပြီး အ ဖွဲ့အတွက် ငွေရှာနေတာတွေ၊ ကြော်ငြာတွေ အရှက်မရှိ ရေးနေတာတွေ တွေ့ရမှာပါ။
ဒီဘက်နယ်စပ်ကလည်း အခွင့်သင့်တုန်း လုပ်စားကြဦးမှဆိုပြီး အန်စီယူဘီကလူတွေ အပါအ၀င် အထဲကိုကူညီ တယ်ဘာညာဆိုပြီး ဓာတ်ပုံတွေ ငွေပေးဝယ် ပြစားတာလောက်လုပ်ကြတာကိုလည်း လေ့လာကြည့်ရင် တွေ့မိ မှာပါ။ စစ်တပ်နဲ့ပေါင်းပြီးမှ အထုအထည်ကြီးတွေ ပို့လို့ရတဲ့အခြေအနေမှာ အန်စီယူဘီလို အခြားအပြင်က အဖွဲ့ အစည်းတွေက ဘယ်လိုများလုပ်ပြီး စစ်တပ်တွေနဲ့ နားလည်မှုယူ ဆန်တွေဘာတွေ ပို့လိုက်နိုင်သလဲ မစဉ်းစား နိုင်အောင်ပါပဲ။
ခေတ်တွေ ပြောင်းကောင်းပြောင်းလာခဲ့မှာ အမှန်ပါပဲ။ ဒါပေမယ့် ကျနော်တို့ မြန်မာနိုင်ငံ ဘယ်လောက်များ ပြောင်းသွားခဲ့ပြီလဲဆိုတာ ကိုအောင်သူငြိမ်းကို ပြန်မေးပါရစေ။ ကျနော်တို့တတွေ ထိုင်းဘက်မှာ အတော်အ သင့် လွတ်မြောက်မှုရနေခဲ့ပြီဆိုပေမယ့် ကျနော်တို့နိုင်ငံက လူထုတွေကတော့ စစ်အာဏာရှင်အုပ်ချုပ်မှု အောက်က နည်းနည်းမှ လွတ်မြောက်မှုမရသေးပါဘူး။ လူထုဖိနှိပ်ခံရမှုကနေ ပြောင်းလဲမယ့် အရိပ်အယောင် လည်း တစက်မှမတွေ့ရသေးပါဘူး။ သူများတကာတွေ လကမ္ဘာသွားပြီး နောက်ပိုဝေးတဲ့ နေရာတွေကို ခြေဦး လှည့်နေတာတောင် ကျနော်တို့နိုင်ငံမှာတော့ ကျောက်ခေတ်ဘက်ကို ပြန်လှည့်နေတာကိုပဲ သူများနိုင်ငံစံနှုန်း ပဲယူပြီး ခေတ်ကြီးပြောင်းသွားပါပြီလို့ ပြောလို့ကောင်းပါ့မလား။
ကိုအောင်သူငြိမ်း ရေးခဲ့သလို အန်ဂျီအိုတွေမှာ လိုအပ်ချက်တွေ မမှန်ကန်မှုတွေ ရှိနေတာကို ဝေဖန်ထောက် ပြဖို့လိုပါတယ်။ ဒါပေမယ့် ကျနော့်အမြင်တော့ ကိုအောင်သူငြိမ်းတို့ကော ဘယ်သူမှလုပ်တာ မတွေ့သေးတာပါ ပဲ။ မမှန်တာတွေလည်း အများကြီးရှိနေတာကို တခုချင်းစီ ပြနေနိုင်ပေမယ့် ကိုအောင်သူငြိမ်း ပြောတဲ့ ဝေဖန် ရေးက ဘယ်နေရာမှာ နေနေမှန်း မသိရတာကို အံ့သြစရာပါပဲ။
ပြည်တွင်းမှာ HIV ရောဂါဝေဒနာရှင်တွေအတွက် ဆေးဝါးတွေ၊ အခြားဆေးဘက်ဆိုင်ရာ အကူအညီတွေ လို အပ်နေတာအမှန်ပါပဲ။ ဒါပေမယ့် ပြည်တွင်းကို ဆေးဘက်ဆိုင်ရာအကူအညီတွေ လုပ်မယ်ဆိုပြီး လုပ်နေကြတဲ့ ဒေသဆိုင်ရာ အန်ဂျီအိုတွေဆီက ဒီဆေးဝါးတွေ ဘယ်မှရောက်သွားတာ မကြားရပါဘူး။ အတွင်းကို မပြောပါနဲ့ ဦး။ HIV ရောဂါဝေဒနာရှင်တွေရှိတဲ့ နယ်စပ်မှာတောင်မှ ဆေးဘက်ဆိုင်ရာ အဖွဲ့အစည်းတွေ ရှိနေပေမယ့် လည်း ဆေးလုံးဝမတွေ့ဖူးဘဲနဲ့ အသက်ကုန်သွားရတဲ့သူတွေ မနည်းပါဘူး။
လွန်ခဲ့တဲ့ ရက်ပိုင်းကတောင် အလုပ်သမားတယောက် ဒီရောဂါနဲ့ ကွယ်လွန်ခဲ့ရပေမယ့် ဘယ်ဆေးဘက်ဆိုင် ရာ အဖွဲ့အစည်းကနေမှ ဆေးဝါးမရခဲ့ပါဘူး။ သူမသေခင် နေရာအားလုံးကို ကြိုးစားသွားခဲ့ပါတယ်။ ဒါပေမယ့် ရောဂါရှိနေကြောင်း သွေးစစ်ပေးတာကလွဲရင် ဘာမှကုသမှုမှ မခံခဲ့ရပါဘူး။ ဒီဘက်မှာ ဆေးဘက်ဆိုင်ရာ အဖွဲ့ ကြီးတွေက လူထုအတွက် ဒါတွေလုပ်ပေးမယ်ဆိုပြီး အကူအညီတွေ ယူထားကြတာတွေလည်းရှိတာပဲ။ ဒါပေမဲ့ ဒီအဖွဲ့ကြီးတွေက ဒီလိုရောဂါရှင်တွေ ရှာလို့မတွေ့တဲ့နေရာမှာ ဘယ်လိုများ လုံအောင်ပုန်းနေကြသလဲဆိုတဲ့ နည်းပညာကတော့ ယူဂျီလုပ်ငန်းလုပ်နေသူတွေ အတုယူသင့်တာတွေပါပဲ။ ဒီလိုအဖွဲ့အစည်းတွေမှာဖြစ်နေတဲ့ ဆေးဝါးရောင်းစားမှုတွေ၊ ဖြတ်စားမှုတွေ၊ လုပ်စားမှုတွေကို အခု အနှစ် (၂၀) ကျော်ခဲ့ပေမယ့် သေသေချာချာ ဝေဖန်ထောက်ပြနိုင်တာလည်း မရှိသေးပါလားဆိုတာကို ကိုအောင်သူငြိမ်း စဉ်းစားစေချင်ပါတယ်။
ဒီအခြေအနေမျိုးတွေကို လူငယ်တွေက အတုမြင်အတတ်သင်၊ ဒီလိုဆက်လုပ်စားကြမယ်ဆိုရင်ဖြင့် ကျနော်တို့ မြန်မာနိုင်ငံက မျောက်ဖြစ်ရတဲ့သူတွေလည်း အာဏာရှင်တွေက မျောက်လုပ်လိုက်၊ အန်ဂျီအိုဆိုပြီး လုပ်စားသူ တွေက မျောက်လုပ်လိုက်၊ လုပ်စားတွေက လှည့်ပြတာ ခံလိုက်ရနဲ့ နားချိန်တောင်ရှိမှာမဟုတ်ပါဘူး။ ဒါပေမယ့် အဲ့ဒါတွေက တခြားမျောက်ကပိုကတတ်တာကလွဲပြီး ဘာကောင်းကျိုးတွေ သယ်လာမလဲ ဆိုတာကိုတော့ စဉ်း စားမှ သိနိုင်မှာပါ။ မှန်မှန်ကန်ကန် ပွင့်ပွင့်လင်းလင်း ပြည်သူကိုတာဝန်ခံတဲ့ စနစ်တွေကို မလိုက်နာနိုင်ဘဲ အန် ဂျီအိုအမည်ခံ လူထုကို မျောက်ပြဆန်တောင်းတာတိုင်းအတွက်တော့ လူထုက ပိုနာကြည်းကြရမှာပါ။
ငြိမ်းချမ်း
ဒေါက်တာလွဏ်းဆွေ ဘလောက်မှ ကူးယူဖော်ပြပါသည်။
0 Comments:
Post a Comment